बंगळुरू -ऑस्ट्रेलियाविरुद्धच्या निर्णायक लढतीत रोहित शर्मा याने मोठी कामगिरी नोंदवली. हिटमॅन रोहित शर्माने एकदिवसीय क्रिकेटमधील ९ हजार धावांचा टप्पा पार केला आहे. ऑस्ट्रेलियाविरूद्धच्या पहिल्याच षटकात फलंदाजी करताना रोहितने हा विक्रम केला आहे.
हेही वाचा -जॉन्टी ऱ्होड्स म्हणतो, 'बॉलिवूडचा 'हा' चित्रपट पाहून अंगावर शहारे आले'
एकदिवसीय क्रिकेटमध्ये हे शिखर गाठताना हिटमॅनने भारताचा माजी कर्णधार सौरव गांगुली आणि मास्टर ब्लास्टर सचिन तेंडुलकरलाही मागे टाकले. रोहितने २१७ व्या डावात नऊ हजार धावांचा टप्पा ओलांडला. ही कामगिरी करण्यासाठी गांगुलीला २२८ तर, सचिनला २३५ डाव खेळावे लागले होते.
शिवाय, रोहित शर्मा ७ हजार एकदिवसीय धावा करणारा वेगवान सलामीवीर फलंदाज ठरला आहे. ऑस्ट्रेलियाबरोबरच्या दुसऱ्या एकदिवसीय सामन्यात रोहितने ४२ धावा करत हा विक्रम प्रस्थापित केला होता. रोहितने १३७व्या डावात सलामीवीर म्हणून ७ हजार धावा पूर्ण केल्या. हा पराक्रम करण्यासाठी अमलाने १४७ डाव खेळले होते. तर सचिन तेंडुलकरने १६० डावात ही कामगिरी केली होती.
एकदिवसीय क्रिकेटमध्ये वेगवान ९ हजार धावा ठोकणारे खेळाडू -
