नवी दिल्ली -यंदाच्या आयपीएल स्पर्धेत मुंबई इंडियन्सचा कर्णधार रोहित शर्माला एक नवा विक्रम खुणावतो आहे. या स्पर्धेत ९० धावा जमवल्यास रोहित आयपीएलमध्ये आपल्या ५००० धावा पूर्ण करणार आहे. रॉयल चॅलेंजर्स बंगळुरूचा कर्णधार विराट कोहली आणि चेन्नई सुपर किंग्जचा फलंदाज सुरेश रैना यांचा या विक्रमात आधीच समावेश झाला आहे.
आज आयपीएलमध्ये मुंबई इंडियन्स विरुद्ध कोलकाता नाइट रायडर्स यांच्यात लीगचा पाचवा सामना होणार आहे. त्यामुळे हा विक्रम रोहित आजच आपल्या नावावर करतो का, हे पाहणे उत्सुकतेचे ठरणार आहे.