मुंबई - अहमदाबादच्या नरेंद्र मोदी क्रिकेट स्टेडियमध्ये रंगलेला इंग्लंडविरुद्धचा चौथा आणि अखेरचा कसोटी सामना, भारताने अवघ्या तीन दिवसात एक डाव आणि २५ धावांनी जिंकला. या विजयासह भारताने चार सामन्याची मालिका ३-१ ने खिशात घातली. तसेच भारतीय संघ जागतिक कसोटी अजिंक्यपद स्पर्धेच्या अंतिम सामन्यासाठी पात्र ठरला. भारताच्या धडाकेबाज कामगिरीनंतर काँग्रेस नेते राहुल गांधी यांनी टीम इंडियाचे अभिनंदन केलं आहे.
राहुल गांधी यांनी या संदर्भात एक ट्विट केले आहे. यात त्यांनी भारतीय संघाचे अभिनंदन केले आहे. तसेच त्यांनी जागतिक कसोटी अजिंक्यपद स्पर्धेच्या अंतिम सामन्यासाठी शुभेच्छा देखील दिल्या आहेत.
काय म्हणाले राहुल गांधी -
अभिनंदन टीम इंडिया, चौथ्या कसोटीसह मालिका जिंकल्याबद्दल. जागतिक कसोटी अजिंक्यपद स्पर्धेच्या अंतिम सामन्यासाठी शुभेच्छा, अशा आशयाचे ट्विट राहुल गांधी यांनी केलं आहे.