जयपूर - इंडियन प्रीमियर लीगच्या १२ व्या मौसमात किंग्स इलेव्हन पंजाब संघाने राजस्थान रॉयल्स संघाचा १४ धावांनी पराभव करत पहिल्या विजयांची नोंद केली. या सामन्यानंतर सोशल मीडियावर किंग्स इलेव्हन पंजाब संघाचा कर्णधार आर. अश्विनला सोशल मीडियावर जोरदार ट्रोल करण्यात आले. या सामन्यात अश्विनने बटलरला मंकड पद्धतीने बाद केले होते. त्यामुळे फॅन्समध्ये प्रचंड नाराजी आहे.
जोस बटलरने ४३ चेंडूत तुफानी ६३ धावा केल्या. बटलर मैदानावर होता तेव्हा राजस्थानसाठी विजयाचे दरवाजे उघडे होते. राजस्थानच्या डावातील १३ व्या षटकात आर. अश्विनने पाचव्या चेंडूवर मंकड पद्धतीने त्याला बाद केले. तिसऱ्या पंचांनीही बटलरला बाद घोषीत केल्यावर बटलर आणि अश्विन यांच्यात शाब्दिक बाचाबाची झाली.