मुंबई - पाकिस्तानचा अष्टपैलू खेळाडू शादाब खानला दुखापत झाली आहे. डॉक्टरांनी त्याला ६ आठवड्याची विश्रांतीचा सल्ला दिला आहे. यामुळे शादाब दक्षिण आफ्रिकेविरुद्ध जानेवारी महिन्यात होणाऱ्या टी-२० आणि कसोटी मालिकेतून बाहेर पडला आहे.
शादाब खानला न्यूझीलंडविरुद्धच्या तिसऱ्या टी-२० सामन्यात दुखापत झाली होती. त्याचे मांडीचे स्नायू ताणले गेले होते. न्यूझीलंडच्या नेपियरमध्ये त्याचा स्कॅन करण्यात आला. यात त्याची दुखापत गंभीर असल्याचे समोर आले. डॉक्टरांनी यामुळे शादाबला ६ आठवड्याची विश्रांती सल्ला दिला आहे.
दक्षिण आफ्रिकेचा संघ नविन वर्षाच्या सुरूवातीला म्हणजे जानेवारी महिन्यात पाकिस्तानचा दौरा करणार आहे. या दौऱ्यात उभय संघात दोन कसोटी आणि ३ टी-२० सामन्यांची मालिका खेळवण्यात येणार आहे.