ख्राइस्टचर्च- न्यूझीलंड आणि बांगलादेश यांच्यात १६ मार्चला ख्राइस्टचर्च येथे कसोटी मालिकेतील शेवटचा तिसरा सामना होणार होता. या सामन्याआधी बांगलादेशचा संघ शहरातील अल-नूर-मशिदीत गेले होते. परंतु, खेळाडू गेलेल्या मशिदीवर अज्ञात इसमाने जोरदार गोळीबार केला. या घटनेतून बांगलादेशचा संघ सुखरुप बचावला असला तरीही उद्याचा होणार तिसरा कसोटी सामना रद्द करण्यात आला आहे.
न्यूझीलंड क्रिकेट बोर्डाने याबाबत माहिती देताना लिहिले, की ख्राइस्टचर्च येथे झालेल्या दुर्घटनेनंतर प्रभावित झालेल्या नागरिकांच्या आणि मित्रांप्रती आमच्या संवेदना आहेत. शनिवारी (१६ मार्च) सुरू होणारा तिसरा कसोटी सामना रद्द करण्याचा निर्णय दोन्ही संघांनी घेतला आहे. दोन्ही संघाचे खेळाडू आणि व्यवस्थापनाचे सदस्य सुरक्षित आहेत.