जेव्हा इरफानचे वडिल पाकिस्तान संघाच्या ड्रेसिंग रूममध्ये गेले होते....

मियांदादच्या वक्तव्यानंतर पठाणचे वडील निराश झाले होते. मालिका संपल्यानंतर त्यांना ड्रेसिंग रूममध्ये मियांदादला भेटायचे होते. इरफान एका कार्यक्रमात म्हणाला, ''माझे वडील आणि मीसुद्धा या वक्तव्याबद्दल वाचले होते. आम्हाला ते आवडले नाही. मला आठवते मालिकेच्या शेवटच्या सामन्यात माझे वडील पाकिस्तानात आले होते. त्यांना मियांदादला पाकिस्तानच्या ड्रेसिंग रूममध्ये भेटायचे होते आणि मी त्यांना म्हणालो होतो, की तुम्ही तेथे जाऊ नका.''

मुंबई - भारताचा माजी अष्टपैलू क्रिकेटपटू इरफान पठाणने पाकिस्तान दौऱ्यादरम्यान जावेद मियांदादने केलेल्या वक्तव्यामुळे वडिल खूप निराश झाल्याचे उघड केले आहे. 2003-04 मध्ये भारतीय संघाने पाकिस्तान दौरा केला होता आणि मियांदाद त्यावेळी पाकिस्तान संघाचा प्रशिक्षक होता. इरफानसारखे गोलंदाज पाकिस्तानच्या गल्लीगल्लीत आहेत, असे मियांदादने म्हटले होते.

मियांदादच्या या वक्तव्यानंतर पठाणचे वडिल निराश झाले होते. मालिका संपल्यानंतर त्यांना ड्रेसिंग रूममध्ये मियांदादला भेटायचे होते. इरफान एका कार्यक्रमात म्हणाला, ''माझे वडिल आणि मीसुद्धा या वक्तव्याबद्दल वाचले होते. आम्हाला ते आवडले नाही. मला आठवते मालिकेच्या शेवटच्या सामन्यात माझे वडिल पाकिस्तानात आले होते. त्यांना मियांदादला पाकिस्तानच्या ड्रेसिंग रूममध्ये भेटायचे होते आणि मी त्यांना म्हणालो होतो, की तुम्ही तेथे जाऊ नका.''

"माझ्या वडिलांनी मियांदादला पाहताच तो उभा राहिला आणि म्हणाला, मी तुमच्या मुलाबद्दल असे काही बोललो नाही. मियांदादचे बोलणे ऐकल्यावर माझ्या वडिलांच्या चेहऱ्यावर हसू उमलले. तेव्हा त्यांनी मियांदादला सांगितले, मी येथे तुला काही सांगण्यासाठी आलो नाही. मला फक्त तुला भेटायचे होते. तू एक उत्तम खेळाडू होतास.''

या दौऱ्यावेळी सौरव गांगुलीच्या नेतृत्वात भारताने पाकिस्तानला कसोटी सामन्यात 2-1 आणि एकदिवसीय सामन्यात 3-2 असे पराभूत केले होते.