रांची - चेन्नई सुपर किंग्जचे प्रशिक्षण शिबिर रद्द झाल्यानंतर संघाचा कर्णधार महेंद्रसिंह धोनीने रांची गाठले आहे. सध्या भारतासह जगभरात फोफावत चाललेल्या कोरोनामुळे सर्वजण चिंताग्रस्त असले तरी, धोनी मात्र रांचीत 'बाईक-राईड' करताना दिसून आला. आपल्या आवडत्या खेळाडूला भर रस्त्यात हिंडताना पाहून सर्वजण चकित झाले.
हेही वाचा -कोरोनासंदर्भात रोहित शर्माचा व्हिडिओ व्हायरल
कोरोनामुळे सीएसकेचे प्रशिक्षण शिबिर रद्द झाल्यानंतर धोनीने सोमवारी घर गाठले. घरी पोहोचल्यानंतर, त्याने 'बाईक-राईड' केली. सुपरबाईकवर असलेल्या धोनीला पाहताच चाहत्यांनी त्याच्यासमोर सेल्फीचा आग्रह धरला. धोनीनेही चाहत्यांना नाराज न करता चाहत्यांना सेल्फी काढू दिला. चाहत्यांना वेळ दिल्यानंतर, त्याने रांचीचील एका इंडोर स्पोर्ट्स कॉम्प्लेक्समध्ये बॅडमिंटनही खेळले.
कोरोना व्हायरसच्या वाढत्या घटनांच्या पार्श्वभूमीवर चेन्नई सुपर किंग्ज संघाने सराव सत्र स्थगित केले. सीएसकेने २ मार्चपासून एमए चिदंबरम स्टेडियमवर प्रशिक्षण सुरू केले होते. कोरोनामुळे अनेक स्पर्धांमध्ये प्रेक्षकांशिवाय सामने होत असले तरी, सीएसकेचे सराव सत्र पाहण्यासाठी चाहत्यांनी मैदानावर चांगलीच गर्दी केली होती.
