मुंबई - चेन्नई सुपर किंग्ज संघाने आयपीएलच्या चौदाव्या हंगामाची जय्यत तयारी सुरू केली आहे. चेन्नई स्टार खेळाडू महेंद्रसिंह धोनी, सुरेश रैना यांनी सरावाला सुरूवात केली आहे. या दरम्यान, धोनीचा एक व्हिडिओ चेन्नई सुपर किंग्ज संघाने त्यांच्या सोशल मीडिया अकाउंटवरून शेअर केला आहे.
चेन्नईने शेअर केलेल्या व्हिडिओत धोनी नेटमध्ये सराव करताना पाहयाला मिळत आहे. यात त्याने एक चेंडूवर जोरदार प्रहार केला आणि तो चेंडू थेट मैदानाबाहेर गेला. चेन्नईने या व्हिडिओला, १०९ मीटर किंवा ११४ मीटर, असे कॅप्शन दिले आहे. धोनीचा हा व्हिडिओ सोशल मीडियावर चांगलाच व्हायरल होत आहे.