इंदूर - भारत विरुध्द बांगलादेश यांच्यात सुरू असलेल्या पहिल्या कसोटी सामन्यात भारतीय सलामीवीर मयांक अग्रवालने पहिल्या डावात द्विशतक ठोकले. द्विशतक पूर्ण केल्यानंतर प्रेक्षकांनी त्याचे जोरदार टाळ्या वाजवून कौतुक केले. शिवाय, विरोधी खेळाडूंनीही हस्तांदोलन करत त्याला शुभेच्छा दिल्या. दुसऱ्या दिवसाचा खेळ संपला. त्यानंतर पत्रकाराने दिवसाचा खेळ संपल्यानंतर तू काय करतो? असा प्रश्न मयांकला विचारला.
तेव्हा मयांकने मजेशीर अंदाजात उत्तर दिले. तो म्हणाला, 'मयांक पबजी खेळतो.' मयांकचे हे उत्तर ऐकून उपस्थित सर्वांना हसू आवरले नाही.