सिडनी - ऑस्ट्रेलियाचा सलामीवीर मार्कस स्टॉयनिसने बिग बॅश लीगमध्ये ताबडतोड खेळी करत इतिहास रचला. त्याने या लीगमध्ये सर्वाधिक धावांची खेळी साकारली. स्टॉयनिसने ७९ चेंडूत १४७ धावांची नाबाद खेळी केली.
बिग बॅश लीगमध्ये सिडनी सिक्सर्स आणि मेलबर्न स्टार्स यांच्यात खेळवण्यात आलेल्या सामन्यात स्टॉयनिसने स्टार्स संघाकडून खेळताना ही खेळी केली. सिडनी सिक्सर्सच्या कर्णधाराने नाणेफेक जिंकून प्रथम गोलंदाजी करण्याचा निर्णय घेतला. तेव्हा मार्कस स्टॉयनिस आणि हिल्टन कार्टराइट या सलामीवीर जोडीने २०० धावांची सलामी दिली.