मुंबई - कविवर्य वि. वा. शिरवाडकर तथा कुसुमाग्रज यांच्या जयंतीनिमित्त दरवर्षी २७ फेब्रुवारी हा दिवस 'मराठी भाषा गौरव दिन' म्हणून साजरा करण्यात येतो. आज या दिनाच्या निमित्ताने अनेक राजकीय नेत्यांनी तसेच सेलिब्रिटींनी शुभेच्छा दिल्या आहेत. यात भारताचा मास्टर ब्लास्टर सचिन तेंडुलकर यानेही देखील खास मराठीत ट्विट करत मराठी भाषा दिनाच्या शुभेच्छा दिल्या आहेत.
सचिन तेंडुलकरने आज मराठी दिनाच्या निमित्तानं मराठीतून ट्विट केलं आहे. भारतात असंख्य भाषा बोलल्या जातात आणि प्रत्येक भाषेची मजा वेगळी आहे. मी लहानाचा मोठा मुंबईतील 'साहित्य सहवास' सोसायटी मध्ये झाल्याने मराठी भाषेचे संस्कार आपोआप होत गेले आणि मराठी भाषेचा गोडवा कळत गेला. मराठी राजभाषा दिनाच्या सगळ्यांना खूप शुभेच्छा, असे ट्विट करुन सचिनने माय मराठीबद्दल गौरवोद्गार काढले आहेत.