Women's T20 WC : आम्हाला तुमचा अभिमान... दिग्गजांकडून टीम इंडियावर शुभेच्छा वर्षाव

हरमनप्रीतच्या नेतृत्वात खेळणाऱ्या भारतीय संघाने अंतिम फेरीतील प्रवेश पक्का केला. तेव्हा भारतीय संघाच्या अंतिम प्रवेशानंतर कौतुकाचा वर्षाव होत आहे.

मुंबई- भारत आणि इंग्लंड यांच्यातील उपांत्य फेरीचा सामना पावसामुळे रद्द झाला. भारताने अ गटात ८ गुणांसह अव्वल स्थान पटकावले होते आणि याच जोरावर हरमनप्रीतच्या नेतृत्वात खेळणाऱ्या भारतीय संघाने अंतिम फेरीतील प्रवेश पक्का केला. भारतीय संघाच्या अंतिम प्रवेशानंतर कौतुकाचा वर्षाव होत आहे.

विरेंद्र सेहवाग -

'उपांत्य फेरीचा सामना झाला असता, तर पाहायला आवडले असते, परंतु देवासमोर कोण जिंकू शकतं? मेहनतीचे फळ मिळते. अ गटातील सर्व सामने जिंकल्याचा फायदा भारतीय संघाला झाला. त्यांचे खूप खूप अभिनंदन.'

व्हीव्हीएस लक्ष्मण -

'सामना झाला असता तर पाहून आनंद झाला असता. परंतु...अंतिम सामन्यात प्रवेश केल्याबद्दल महिला संघाचे अभिनंदन. साखळी फेरीतील ४ पैकी ४ सामने जिंकण्याचे बक्षीस मिळाले. अंतिम सामन्यासाठी शुभेच्छा.'

विराट कोहली -

'महिला टी-२० विश्वकरंडक स्पर्धेच्या अंतिम फेरीसाठी पात्र ठरल्याबद्दल भारतीय महिला क्रिकेट संघाचे अभिनंदन. आम्हाला तुमचा अभिमान आहे असून तुम्हाला अंतिम सामन्यासाठी शुभेच्छा.'