दुबई -दुबईच्या मैदानावर झालेल्या सामन्यात सनरायझर्स हैदराबादने चेन्नई सुपरकिंग्जवर ७ धावांनी मात केली. यंदाच्या हंगामात चेन्नई सुपरकिंग्जच्या पराभवाची ही हॅट्ट्रीक ठरली आहे. विशेष म्हणजे, चेन्नईचा संघ गुणतालिकेत प्रथमच तळाशी आहे. या सामन्यात धोनीने ३६ चेंडूंत ४७ धावा करत विजयासाठी प्रयत्न केले, पण तो अपयशी ठरला. धोनीच्या कामगिरीवर अभिनेता कमाल आर. खान याने प्रतिक्रिया दिली.
''भाई, केस काळे करून कोणी तरुण होत नाही'', अभिनेत्याची धोनीवर टीका - krk and ms dhoni news
हैदराबादविरुद्ध धोनीने केलेल्या कामगिरीविषयी अभिनेता कमाल आर. खान याने प्रतिक्रिया दिली. या सामन्यात नाणेफेक जिंकून हैदराबादने २० षटकात ५ बाद १६४ धावा केल्या. तर, हैदराबादच्या आव्हानाचा पाठलाग करताना चेन्नईच्या २० षटकांत ५ गडी बाद १५७ धावा झाल्या.
''भाई, केस काळे करून कोणी तरुण होत नाही'', अभिनेत्याची धोनीवर टीका
कमाल आर. खानने चेन्नई सुपरकिंग्जच्या पराभवासाठी त्याने धोनीला जबाबदार धरले. ''भाई, केस काळे करुन कोणी तरुण होत नाही. दोन धावा काढतानाही तुला धाप लागत होती. असा त्रास वय वाढल्यानंतर सर्वांनाच होतो. पण म्हातारपणी असा अपमान करुन घेणे तुला योग्य वाटतंय का? आम्ही तुझे चाहते आहोत, तुझी अशी अवस्था पाहून आम्हाला खूप दु: ख होतंय. त्यामुळे कृपया आता तू निवृत्ती स्वीकार'', असा टोला कमाल आर. खानने धोनीला लगावला आहे.
या सामन्यात नाणेफेक जिंकून हैदराबादने प्रथम फलंदाजीचा निर्णय घेतला होता. युवा खेळाडू प्रियम गर्ग आणि अभिषेक शर्मा यांच्या झुंजार खेळीमुळे सनराजझर्स हैदराबादने २० षटकात ५ बाद १६४ धावा केल्या. तर, हैदराबादच्या आव्हानाचा पाठलाग करताना चेन्नईच्या २० षटकांत ५ गडी बाद १५७ धावा झाल्या.