आबुधाबी - आयपीएल 2020मध्ये कोलकाता नाइट रायडर्स आणि किंग्ज इलेव्हन पंजाब यांच्यात आबुधाबीमध्ये सामना खेळला जात आहे. कोलकाताचा कर्णधार दिनेश कार्तिकने नाणेफेक जिंकून प्रथम फलंदाजीचा निर्णय घेतला. तेव्हा शुबमन गिल आणि राहुल त्रिपाठी हे दोघे कोलकाताच्या संघाकडून सलामीला उतरले. मागील सामन्यात अर्धशतक झळकावणारा राहुल त्रिपाठीच्या दांड्या मोहम्मद शमीने गुल केल्या.
राहुल आजच्या सामन्यात १० चेंडूत ४ धावाच करू शकला. पुढच्याच षटकात नितिश राणा आणि गिल यांच्यातील सावळा गोंधळ पाहायला मिळाला. गिलने शॉर्ट फाईन लेगला चेंडू टोलावला आणि नॉन स्ट्रायकर एंडला असलेल्या राणाने चोरटी धाव घेण्यासाठी क्रिज सोडले. पण, गिलचे त्याकडे लक्षच नव्हते आणि दोन्ही फलंदाज एकाच एंडला उभे राहिले. निकोलस पूरनने राणाला धावबाद करून माघारी पाठवले. लिंकवर क्लिककरून पाहा व्हिडीओ...