चेन्नई - भारत आणि इंग्लंड यांच्यातील कसोटी मालिकेला उद्या (ता. ५) पासून सुरूवात होणार आहे. चेन्नईत होणाऱ्या पहिल्या सामन्याआधी इंग्लंडचा कर्णधार जो रुटने, इंग्लंड संघासाठी भारतीय संघातील कोणत्या खेळाडूची विकेट महत्वाची आहे, हे सांगितले आहे.
इंग्लंड संघासाठी विराट कोहलीची विकेट महत्वाची आहे, असे जो रुटने सांगितले असेल, असा अनेकांचा कयास असेल. पण असे नाही तर रुटने, चेतेश्वर पुजाराची विकेट आमच्यासाठी महत्वाची आहे, असे सांगितले आहे.
रूट म्हणाला की, 'पुजारा एक उत्तम फलंदाज आहे. त्याच्यासोबत मी यार्कशरमध्ये दोन सामने खेळली आहेत. त्याच्याकडून शिकण्यासारखं खूप आहे. फलंदाजीविषयी चर्चा करणे आणि क्रिकेटप्रती त्याचे असलेले प्रेम हे वास्तविक रंजक आहे. सुरू होणाऱ्या मालिकेत त्याची विकेट आमच्या संघासाठी महत्वपूर्ण आहे.'