चेन्नई - आयपीएलच्या चौदाव्या हंगामात आज कोलकाता नाईट रायडर्स आणि सनरायझर्स हैदराबाद यांच्यात लढत होत आहे. कोलकाताचे फलंदाज विरुद्ध हैदराबादचे गोलंदाज अशी ही लढत आहे. दोन्ही संघ चेपॉक स्टेडियममध्ये विजय मिळवून स्पर्धेची सुरूवात करण्यास इच्छुक आहेत. या लढतीत दोन्ही संघांच्या नेतृत्वाची कसोटी लागणार आहे.
युएईमध्ये झालेल्या मागील हंगामाच्या मध्यावरच दिनेश कार्तिककडून कोलकाताच्या नेतृत्वाची धुरा मॉर्गनकडे सोपवण्यात आली होती. कोलकाता, हैदराबाद आणि रॉयल चॅलेंजर्स बंगळुरू या तिन्ही संघांच्या खात्यावर गतवर्षी सारखेच गुण जमा होते. यापैकी हैदराबाद आणि बंगळुरुने सरस धावगतीच्या बळावर आगेकूच केली, तर सलग दुसऱ्यांदा कोलकाताचा संघ बाद फेरी गाठण्यात अपयशी ठरला. आजच्या सामन्यात कोलकाता संघाची मदार शुबमन गिल, कर्णधार इयॉन मॉर्गन, शाकिब अल हसन आणि आंद्रे रसेल यांच्या कामगिरीवर असेल.
दुसरीकडे वेगवान गोलंदाज भुवनेश्वर कुमार परतल्यामुळे हैदराबादचे सामर्थ वाढले आहे. गतवर्षी चार सामने खेळल्यानंतर भुवनेश्वरला दुखापतीमुळे माघार घ्यावी लागली होती. कर्णधार डेव्हिड वॉर्नर, केन विल्यमसन, जॉनी बेयरस्टो यांच्यासह मनिष पांडे याच्या कामगिरीवर हैदराबाद संघाची धुरा आहे. हैदराबादकडे राशिद खानच्या रुपाने हुकमी एक्का आहे.
कोलकाता नाईट रायडर्स -