मुंबई - आयपीएल २०२१ च्या लिलाव प्रकियेआधी किंग्ज इलेव्हन पंजाब संघाने आपल्या नावात बदल केला आहे. आता पंजाबचा संघ, हा संघ 'पंजाब किंग्ज' या नावाने ओळखला जाणार आहे. पंजाबच्या संघाने आपल्या नावात बदल केल्याची माहिती पीटीआय या वृत्तसंस्थेने दिली आहे.
किंग्ज इलेव्हन पंजाब संघाला आतापर्यंत एकदाही स्पर्धेचे विजेतपद प्राप्त करता आलेले नाही. त्यामुळे नव्या नावासह आणि लोगोसह नव्या दमाने यंदाच्या स्पर्धेत उतरण्याची तयारी पंजाब किंग्जने केली आहे.