IPL २०२१ लिलाव : या ५ विदेशी खेळाडूंवर असणार खास नजर

आयपीएल २०२१ साठी मिनी लिलाव उद्या होणार आहे. या लिलावासाठी २९२ खेळाडूंची निवड करण्यात आली आहे. यात विदेशी १२८ खेळाडू आहेत. दरम्यान, आठ फ्रेंचायझींकडे एकूण २२ विदेशी खेळाडूंचाच कोटा शिल्लक आहे. यामुळे विदेशी खेळाडूंवर तगडी बोली लागू शकते.

मुंबई - आयपीएल २०२१ साठी मिनी लिलाव उद्या (गुरूवार ता. १८) होणार आहे. या लिलावासाठी २९२ खेळाडूंची निवड करण्यात आली आहे. यात विदेशी १२८ खेळाडू आहेत. दरम्यान, आठ फ्रेंचायझींकडे एकूण २२ विदेशी खेळाडूंचाच कोटा शिल्लक आहे. यामुळे विदेशी खेळाडूंवर तगडी बोली लागू शकते. यात पाच असे खेळाडू आहेत ज्यांच्यावर खास नजर असणार आहे. वाचा कोण आहेत ते खेळाडू...

ग्लेन मॅक्सवेल -

आयपीएल २०२१ च्या लिलावात मॅक्सवेलवर खास नजर असणार आहे. मॅक्सवेलसाठी आयपीएलचा मागील हंगाम फारसा चांगला राहिला नाही. त्याला हंगामातील १३ सामन्यात १०८ धावा करता आल्या. यामुळे पंजाबने मॅक्सवेलला रिलीज केलं आहे.

स्टिव स्मिथ -

आयपीएल २०२० मध्ये स्मिथला राजस्थान रॉयल्सने रिलीज करत अचंबित केले आहे. कारण स्मिथने १३ व्या हंगामात ३११ धावा केल्या. पण राजस्थानचा संघ प्ले ऑफ फेरी गाठू शकला नाही. मागील हंगामातील स्मिथची कामगिरी पाहिल्यास त्याच्यावर देखील मोठी बोली लागू शकते.

शाकिब उल हसन -

शाकिब उल हसनवर देखील फ्रेंचायझींची खास नजर असणार आहे. शाकिब अष्टपैलू खेळाडू असून तो कोणत्याही क्षणी सामन्याचे पारडं पलटवू शकतो. त्याची ओळख जगातील सर्वोत्कृष्ट अष्टपैलू खेळाडू म्हणून आहे.

ख्रिस मॉरिस

दक्षिण आफ्रिकेचा अष्टपैलू खेळाडू ख्रिस मॉरिसला मागील वर्षी आरसीबीने १० करोड रुपयाची बोली लावत आपल्या संघात घेतले होते. पण त्याला मागील हंगामात आपली छाप सोडता आली नाही. ९ सामन्यात त्याला १२ गडी टिपता आले. तर त्याने ३४ धावा केल्या. मॉरिसवर देखील फ्रेंचायझींची नजर असेल.

कायले जॅमिन्सन

न्यूझीलंडचा अष्टपैलू खेळाडू कायले जॅमिन्सन याला गंभीरने आयपीएलचा पुढील 'आंद्रे रसेल' आहे असे म्हटलं आहे. जॅमिन्सनची बेस प्राईज ७५ लाख इतकी आहे. महत्वाचे म्हणजे तो प्रथमच लिलावात असणार आहे.