मुंबई - आयपीएलच्या चौदाव्या पर्वाला ९ एप्रिलपासून सुरूवात होणार आहे. चेन्नईमध्ये या हंगामाचा पहिला सामना मुंबई इंडियन्स आणि रॉयल चॅलेजर्सं बंगळुरू यांच्यात खेळला जाणार आहे. आयपीएल स्पर्धेला सुरूवात होण्यासाठी आता फक्त १५ दिवसांचा कालवधी शिल्लक राहिला आहे. यामुळे आपापल्या संघातील खेळाडू बायो-बबलमध्ये प्रवेश करत आहेत. मुंबई इंडियन्सचे खेळाडू देखील बायो-बबलमध्ये यायला सुरूवात झाली आहे.
नॅथन कुल्टर नाईल, इशान किशन, पियूष चावला, अर्जुन तेंडुलकर या खेळाडूंसह मुंबई संघाचे मुख्य प्रशिक्षक महेला जयवर्धने यांनी बायो-बबलमध्ये प्रवेश केला. मुंबई इंडियन्सने यांचे फोटो शेअर केले आहेत. यासोबत मुंबईने एक व्हिडिओ देखील शेअर केला आहे. हा व्हिडिओ शेअर करताना त्याला, मुंबईमध्ये आपलं स्वागत आहे, असे कॅप्शन देण्यात आले आहे.
दरम्यान, रोहित शर्मा, सूर्यकुमार यादव, हार्दिक पांड्या हे खेळाडू सध्या इंग्लंडविरुद्धची एकदिवसीय मालिका खेळत आहेत. ही मालिका संपल्यानंतर हे सर्व खेळाडू बायो-बबलमध्ये प्रवेश करतील.