मुंबई - कोलकाता नाइट रायडर्सचा युवा फलंदाज शुबमन गिल आणि दिग्गज क्रिकेटपटू सचिन तेंडुलकरची कन्या सारा तेंडुलकर यांच्या अफेअरविषयी चर्चा सुरू आहेत. अशात साराने एक इन्साग्राम पोस्ट केली आहे. यावरून पुन्हा सारा आणि शुबमन यांच्या चर्चांना ऊत आला आहे.
शुबमन गिलकडे टीम इंडियाचा भावी सलामीवीर म्हणून पाहिले जात आहे. भारतातील सध्याच्या फळीतीत युवा फलंदाजांमध्ये तो आघाडीवर आहे. आयपीएलच्या १३व्या हंगामातील त्याच्या कामगिरीवर सर्वांच्या नजरा खिळून आहेत. पण त्याला मुंबई इंडियन्स विरुद्धच्या सामन्यात आपल्या लौकिकास साजेशी खेळी करता आली नाही. तो अवघ्या ७ धावांवर माघारी परतला. पण त्याने क्षेत्ररक्षणामध्ये कमाल केली. शुबमनने क्षेत्ररक्षणात केलेल्या जबरदस्त कामगिरीचे साराने कौतुक केले.
मुंबई विरुद्धच्या सामन्यातील क्षेत्ररक्षणात शुबमनने कमाल केली होती. त्या क्षणाचा व्हिडिओ साराने तिच्या इन्स्टाग्राम अकाउंटवर पोस्ट केला आहे. त्यासोबत तिने 'लव'चा इमोजी जोडला आहे. साराच्या या पोस्टवरून दोघांमध्ये अफेअर असल्याच्या चर्चेला पुन्हा एकदा उधाण आले आहे.