आबुधाबी - आयपीएल २०२० च्या सलामीच्या सामन्यात अंबाती रायुडूने केलेल्या धडाकेबाज फलंदाजीच्या जोरावर चेन्नई सुपर किंग्जने गतविजेत्या मुंबई इंडियन्सला मात दिली. आज रायुडूचा वाढदिवस आहे. यानिमित्ताने, मुंबई इंडियन्सने त्याला हटके शुभेच्छा दिल्या आहेत.
मुंबई इंडियन्सने ट्विट करत अंबाती रायुडूला शुभेच्छा दिल्या आहेत. यात मुंबईने अंबाती रायुडूचा आपल्या संघाच्या जर्सीमधला फोटो अपलोड करुन त्याला शुभेच्छा दिल्या. रायुडू जेव्हा मुंबईकडून खेळत होता, तेव्हाचा मुंबई इंडियन्सच्या जर्सीतला त्याचा फोटो अपलोड केला आहे. यासोबत मुंबईने मेसेज केला की, 'हॅप्पी बर्थ-डे, अ‍ॅम-बॅटिंग रायुडू. मोठी खेळी खेळत रहा. त्याचवेळी मुंबईने कंसात लिहिले की, पण या मोठ्या खेळी आमच्याविरुद्ध करु नकोस.'