मुंबई- भारतीय संघाचा युवा खेळाडू पृथ्वी शॉ एका अभिनेत्रीच्या प्रेमात पडला असल्याची चर्चा आहे. पृथ्वीने केलेल्या पोस्टवर ती अभिनेत्री कमेंट करताना पाहायला मिळाली. विशेष म्हणजे, पृथ्वी देखील तीच्या कमेंट्सवर एकतर लाईक करतो किंवा रिप्लाय देतो, असेही दिसून आले आहे. यामुळे या चर्चेला उधान आले आहे.
पृथ्वी शॉ अभिनेत्री प्राची सिंगला डेट करत असल्याची चर्चा आहे. प्राची अभिनय क्षेत्रात नवीन आहे. तिने आपल्या अभिनयाच्या कारकिर्दीची सुरूवात उडाण या मालिकापासून केली आहे. याशिवाय ती उत्कृष्ट डान्सर आहे. पृथ्वी शॉच्या इंस्टाग्राम पोस्टवर प्राचीने केलेल्या कमेंटमुळे दोघांच्या डेटिंगबद्दलच्या चर्चांना ऊत आला आहे.