मुंबई - आयपीएलच्या तेराव्या हंगामात अद्याप चेन्नई सुपर किंग्जला लौकिकास पात्र कामगिरी करता आलेली नाही. चेन्नईने आतापर्यंत पाच गमावले आहेत. यामुळे त्यांच्यावर कडाडून टीका होत आहे. अशात काही चाहते आपल्या संघाच्या बाजूने उभे राहिले आहे. त्यांनी चेन्नई संघासाठी एक खास व्हिडीओ बनवला आहे. हा व्हिडीओ सद्या सोशल मीडियावर चांगलाच व्हायरल होत आहे.
चेन्नईच्या संघाला पाठिंबा देण्यासाठी काही मुलींनी एकत्र येऊन हा व्हिडीओ बनवला आहे. चेन्नईच्या संघाने फॉर्मात यावं, विजय मिळवावा आणि आयपीएलमध्ये चांगली कामगिरी करावी, यासाठी हा व्हिडीओ बनवण्यात आला आहे. हा व्हिडीओ १ मिनिट ५७ सेंकदाचा असून मुली यात डान्स करताना पाहायला मिळत आहेत. हा व्हिडीओ सध्याच्या घडीला चांगलाच गाजत आहे. या गाण्यातील त्यांचा डान्स चाहत्यांच्या पसंतीस उतरला असल्याचे पाहायला मिळत आहे.