मुंबई - बीसीसीआयच्या अखिल भारतीय महिला निवड समितीने, दक्षिण आफ्रिकेविरुद्धच्या एकदिवसीय आणि टी-२० मालिकेसाठी भारतीय महिला संघाची निवड केली आहे. यात एकदिवसीय संघाचे नेतृत्व मिताली राजकडे तर टी-२० संघाची कमान हरमनप्रीत कौर हिच्याकडे सोपविण्यात आली आहे.
दक्षिण आफ्रिकेचा संघ ५ एकदिवसीय आणि ३ टी-२० सामन्यांची मालिका खेळण्यासाठी भारत दौऱ्यावर येणार आहे. उभय संघातील या मालिकांचे आयोजन लखनऊमधील भारतरत्न अटल बिहारी वाजपेयी स्टेडियमध्ये करण्यात आले आहे. या मालिकेसाठी भारतीय संघाची घोषणा करण्यात आली आहे.
असा आहे भारतीय महिलांचा एकदिवसीय संघ -
मिताली राज (कर्णधार), स्मृती मानधाना, जेमिमाह रोड्रिग्ज, पूनम राउत, प्रिया पुनिया, यास्तिका भाटिया, हरमनप्रीत कौर (उपकर्णधार), डी. हेमलता, दीप्ती शर्मा, सुषमा वर्मा (यष्टीरक्षक) , श्वेता वर्मा (यष्टीरक्षक), राधा यादव, राजेश्वरी गायकवाड, झूलन गोस्वामी, मानसी जोशी, पूनम यादव, सी. प्रथ्युषा आणि मोनिका पटेल.