दक्षिण आफ्रिकेविरूद्ध तीन टी-20 सामन्यांच्या मालिकेसाठी भारतीय संघ जाहीर

भारत आणि दक्षिण आफ्रिकेदरम्यान १५ सप्टेंबरपासून सुरू होणाऱ्या तीन टी-20 सामन्यांच्या मालिकेसाठी भारतीय संघाची घोषणा करण्यात आली आहे.

नवी दिल्ली - भारत आणि दक्षिण आफ्रिकेदरम्यान १५ सप्टेंबरपासून सुरू होणाऱ्या तीन टी-20 सामन्यांच्या मालिकेसाठी भारतीय संघाची घोषणा करण्यात आली आहे.

निवड झालेल्या संघात महेंद्रसिंग धोनीचा समावेश करण्यात आलेला नाही. धोनीच्या जागी यष्टीरक्षक म्हणून वृषभ पंतला संधी देण्यात आली आहे. १५ जणांच्या या संघात भावांच्या दोन जोड्यांचा (हार्दिक पंड्या-कृणाल पंड्या आणि राहुल चहर-दीपक चहर) समावेश आहे. सप्टेंबर महिन्यात दक्षिण आफ्रिकेचा संघ भारत दौऱ्यावर येत आहे. टी-20 मालिकेसाठी संघ निवडताना आगामी टी-20 विश्वचषकाचा विचार करूनच खेळाडूंची निवड केल्याची शक्यता आहे.

टी-20 मालिकेसाठी निवडण्यात आलेला संघ -
विराट कोहली (कर्णधार), रोहित शर्मा (उप-कर्णधार), के एल राहुल, शिखर धवन, श्रेयस अय्यर, मनिष पांडे, वृषभ पंत (यष्टीरक्षक), हार्दिक पंड्या, रविंद्र जडेजा, कृणाल पंड्या, वॉशिंग्टन सुंदर, राहुल चहर, खलील अहमद, दीपक चहर, नवदीप सैनी