बुमराह म्हणातो, ''लाळेला पर्याय असावा''

बुमराह म्हणाला, ''मैदानात गळाभेट घेणाऱ्यापैकी मी नाही. पण लाळेची कमतरता तुम्हाला भासू शकते. क्रिकेट पुन्हा सुरू झाल्यावर मार्गदर्शक सूचना काय असतील हे मला माहित नाही. परंतु यासाठी काहीतरी पर्याय असावा. चेंडूवर लाळ न वापरल्याने क्रिकेट फलंदाज अनुकूल ठरेल. लाळ न वापरल्याने गोलंदाजांना अडचण निर्माण होते. मैदाने लहान होत आहेत आणि विकेटही सपाट होत आहेत.''

नवी दिल्ली - भारताचा अव्वल वेगवान गोलंदाज जसप्रीत बुमराहने क्रिकेटमध्ये लाळ वापरण्याविषयी आपली प्रतिक्रिया दिली आहे. माजी क्रिकेटपटू अनिल कुंबळेच्या अध्यक्षतेखालील आयसीसीच्या क्रिकेट समितीने क्रिकेटमध्ये लाळ वापरण्यावर बंदी घालण्याची शिफारस केली आहे. क्रिकेटविश्वातून अनेक क्रिकेटपटूंनी याप्रकरणी आपले मत दिले. आता बुमराहची प्रतिक्रिया समोर आली आहे.

बुमराह म्हणाला, ''मैदानात गळाभेट घेणाऱ्यापैंकी मी नाही. पण लाळेची कमतरता तुम्हाला भासू शकते. क्रिकेट पुन्हा सुरू झाल्यावर मार्गदर्शक सूचना काय असतील हे मला माहित नाही. परंतु यासाठी काहीतरी पर्याय असावा. चेंडूवर लाळ न वापरल्याने क्रिकेट फलंदाज अनुकूल ठरेल. लाळ न वापरल्याने गोलंदाजांना अडचण निर्माण होते. मैदाने लहान होत आहेत आणि विकेटही सपाट होत आहेत.''

बुमराह म्हणाला, “आम्हाला चेंडूची चमक कायम राखण्यासाठी पर्यायाची आवश्यकता आहे. जेणेकरून तो स्विंग किंवा रिव्हर्स स्विंग करू शकेल.” गेल्या काही वर्षांपासून वेगवान गोलंदाजांना परिस्थिती अनुकूल असल्याचे बिशपने सांगितले. तेव्हा बुमराहने या प्रतिक्रियेशी सहमती दर्शवली. तो म्हणाला, ''कसोटी क्रिकेटमध्ये हे खरे आहे. म्हणूनच हा माझे माझे आवडते स्वरूप आहे. एकदिवसीय आणि टी-20 क्रिकेटमध्ये चेंडूला रिव्हर्स स्विंग मुळीच मिळत नाही.''

चेंडूला चमकवण्यासाठी गोलंदाज लाळ आणि घामाचा वापर करतात. मात्र, कोरोनामुळे क्रिकेटमध्ये मोठे बदल होण्याची चिन्हे आहेत.