कटक- वेस्ट इंडीज विरुद्धच्या तिसऱ्या आणि अखेरच्या सामन्यात भारतीय संघाने ४ गडी राखून विजय मिळवला आणि मालिका २-१ ने खिशात घातली. भारतीय कर्णधार विराट कोहलीने नाणेफेक जिंकून प्रथम गोलंदाजी स्वीकारली. विंडीजने पूरन आणि पोलार्डच्या अर्धशतकाच्या जोरावर भारताला ३१६ धावाचे लक्ष्य दिले. तेव्हा भारतीय संघाने विराट कोहली, लोकेश राहुल आणि रोहित शर्मा यांच्या अर्धशतकांच्या जोरावर हा सामना जिंकला. पण या सामन्यात शार्दुल ठाकूर भारतीय संघासाठी तारणहार ठरला. त्याने मोक्याच्या क्षणी दणकेबाज खेळी करत संघाला विजय मिळवून दिला.
भारतीय संघाचा या वर्षातील हा शेवटचा सामना होता. तो सामना जिंकत भारतीय संघाने वर्षाचा शेवट केला. दरम्यान, या सामन्यात विराट कोहली बाद झाल्यानंतर भारतीय संघ पराभूत होणार असे वाटत होते. तेव्हा शार्दुल ठाकूर आणि रवींद्र जडेजा या जोडीने भारताला विजय मिळवून दिला. शार्दुलने या सामन्यात ६ चेंडूत ४ चौकार आणि एक षटकारांच्या मदतीने नाबाद १७ धावा केल्या. याचं खेळीच्या जोरावर भारताने विजय मिळवला.