नवी दिल्ली - विराट कोहलीच्या नेतृत्वात, दक्षिण आफ्रिकेविरुध्द सुरू असलेल्या ३ सामन्यांच्या कसोटी मालिकेतील पहिला सामना भारतीय संघाने जिंकला. वेस्ट इंडीजला २-० ने धूळ चारल्यानंतर विराटच्या नेतृत्वात भारतीय संघाने विजयी लय कायम राखली. आफ्रिकेविरुध्दच्या विजयानंतर विराटने कर्णधार या नात्याने एक नवा विक्रम प्रस्थापित केला आहे.
विशाखापट्टणम येथे पार पडलेला कसोटी सामना हा विराटसाठी कर्णधार या नात्याने ४९ वा कसोटी सामना होता. विराटने ४९ कसोटी सामन्यात भारतीय संघाचे नेतृत्व करताना २९ विजय मिळवले आहेत. दरम्यान, आपल्या नेतृत्वात संघाला विजय मिळवून देणाऱ्या खेळाडूंच्या यादीत, अग्रस्थानी ऑस्ट्रेलियाचा स्टिव्ह वॉ आहे. त्याने आपल्या नेतृत्वात ३६ कसोटी सामन्यात संघाला विजय मिळवून दिला आहे.