नवी दिल्ली - भारतीय महिला संघ आणि दक्षिण आफ्रिकेच्या महिला संघामध्ये मंगळवारी टी-२० क्रिकेट सामना रंगला होता. या सामन्यात भारतीय महिला संघाने आफ्रिकेच्या महिला संघावर ११ धावांनी रोमहर्षक विजय मिळवत ५ सामन्याच्या मालिकेत १-० ने आघाडी घेतली. भारताच्या विजयात मोलाची भूमिका पार पाडली कर्णधार हरमनप्रित कौर आणि दीप्ती शर्मा यांनी. कौरने फलंदाजीत तर दीप्तीने गोलंदाजीत योगदान दिले.
दक्षिण आफ्रिकेची कर्णधार सुने ल्यूस हिने नाणेफेक जिंकून प्रथम गोलंदाजी करण्याचा निर्णय घेतला. यानंतर भारताकडून कर्णधार हरमनप्रित कौर (४३), स्मृती मानधना (२१) आणि रॉड्रिक्सच्या १९ धावांच्या जोरावर भारताने निर्धारीत २० षटकात ८ बाद १३० धावा केल्या आणि आफ्रिकेच्या संघासमोर १३१ धावांचे आव्हान ठेवले.
हेही वाचा -मराठमोळ्या 'स्मृती'चा विक्रम; विराट, रोहित, धोनीसारखे दिग्गजही करू शकले नाहीत 'असा' विक्रम