सिडनी - ऑस्ट्रेलियाविरूद्धच्या तिसऱ्या कसोटी सामन्यासाठी भारतीय संघाची घोषणा झाली आहे. अंतिम ११ मध्ये उपकर्णधार रोहित शर्मा आणि नवदीप सैनीचा समावेश करण्यात आला आहे. नवदीप सैन या सामन्यातून कसोटी पदार्पण करेल. तर मोठ्या विश्रांतीनंतर रोहित मैदानात दिसणार आहे. पहिल्या दोन सामन्यात खराब कामगिरी करणारा सलामीवीर मयांक अगरवालला संघातून वगळण्यात आले आहे.
मालिका बरोबरीत
चार सामन्यांच्या कसोटी मालिकेत १-१ अशी बरोबरी झाली आहे. तिसरी कसोटी सिडनी येथे होणार आहे. दोन्ही संघ मालिकेत आघाडी घेण्यास उत्सुक आहेत. पहिला कसोटी सामना ऑस्ट्रेलियाने जिंकला. तर दुसरा कसोटी सामन्यात भारताने कमबॅक करत ऑस्ट्रेलियावर मात केली होती.