सिडनी - तिसऱ्या कसोटी सामन्यातील दुसऱ्या डावात ऋषभ पंत आऊट होत नसल्याने, ऑस्ट्रेलियन खेळाडूने रडीचा डाव खेळला. याचा व्हिडिओ सद्या सोशल मीडियावर व्हायरल होत आहे.
भारत आणि ऑस्ट्रेलिया यांच्यात तिसरा कसोटी सामना सिडनीच्या मैदानात खेळला जात आहे. ऑस्ट्रेलियाने या सामन्यात भारतासमोर विजयासाठी ४०७ धावांचे लक्ष्य ठेवले आहे. अखेरच्या दिवशी ऋषभ पंतने झुंजार खेळी केली. त्याने ११८ चेंडूत १२ चौकार आणि ३ षटकारांसह ९७ धावांची खेळी साकारली. यादरम्यान, ऑस्ट्रेलियन खेळाडूंनी त्याला बाद करण्याचे विविध मार्ग अवलंबले. यात ऑस्ट्रेलियाचा अनुभवी खेळाडू स्टिव्ह स्मिथ याने, पंतने घेतलेल्या गार्डची रेषा बुटाने पुसण्याचा प्रयत्न केला. याचा व्हिडिओ सद्या व्हायरल होत आहे.