लंडन - अटीतटीच्या सामन्यात न्यूझीलंडने बांगलादेशवर २ गडी राखून विजय मिळवला. बांगलादेशने दिलेल्या २४५ धावांच्या लक्ष्याचा पाठलाग करताना न्यूझीलंडकडून रॉस टेलरने ८२ धावांची खेळी केली. त्याला कर्णधार केन विल्यमसननेही चांगली साथ दिली.
प्रथम फलंदाजी करताना बांगलादेशचा डाव २४४ धावांवर आटोपला. बांगलादेशला न्यूझीलंडच्या भेदक माऱ्यापुढे हात मोकळे करण्याची फारशी संधी मिळू शकली नाही. शाकिब अल हसनने (६४) एकाकी झुंज देत अर्धशतकी खेळी केली. पण त्याला इतर फलंदाजांची साथ मिळू शकली नाही. त्यामुळे बांगलादेशने २४४ धावा केल्या.