IPL ला 'मिस' करतोय चेन्नईचा खेळाडू, म्हणाला.. प्रेक्षकांविना आयपीएल खेळण्यास तयार

हरभजन एका क्रीडा वाहिनीशी बोलताना म्हणाला, आयपीएलसाठी प्रेक्षक महत्वाचे आहेतच. पण प्रतिकूल परिस्थिती आल्यास त्यांच्याशिवाय आयपीएल खेळवण्यास काहीच हरकत नाही. खेळाडू म्हणून मला ते कदाचीत आवडणार नाही, पण सर्व चाहत्यांना त्यांच्या घरात बसून टीव्हीवर सामने पाहता येतील.'

मुंबई- भारताचा अनुभवी फिरकीपटू हरभजन सिंगने प्रेक्षकांविना तेराव्या हंगामाची आयपीएल स्पर्धा खेळवण्याला हरकत नसल्याचे सांगितले. त्याने आयपीएलवर अनेक लोकांचा रोजगार अवलंबून असल्याचे सांगत, प्रेक्षकांशिवाय आयपीएल, या पर्यायाला पाठिंबा दर्शवला आहे.

हरभजन एका क्रीडा वाहिनीशी बोलताना म्हणाला, आयपीएलसाठी प्रेक्षक महत्वाचे आहेतच. पण प्रतिकूल परिस्थिती आल्यास त्यांच्याशिवाय आयपीएल खेळवण्यास काहीच हरकत नाही. खेळाडू म्हणून मला ते कदाचीत आवडणार नाही, पण सर्व चाहत्यांना त्यांच्या घरात बसून टीव्हीवर सामने पाहता येतील.'

आयपीएलवर अनेकांचे आयुष्य अवलंबून आहे. पण, परिस्थिती नियंत्रणात आल्यानंतर आपण ही स्पर्धा खेळवायला हवी, असे हरभजन म्हणाला. दरम्यान, आयपीएलमध्ये हरभजन चेन्नई सुपर किंग्ज संघाचा सदस्य आहे.

आयपीएलच्या तेराव्या हंगामाला २९ मार्चपासून सुरूवात होणार होती. पण कोरोनामुळे बीसीसीआयने ही स्पर्धा १५ एप्रिलपर्यंत पुढे ढकलण्याचा निर्णय घेतला. पण सद्यपरिस्थिती पाहता आयपीएल १५ एप्रिलपासून सुरू होईल, अशी शक्यता नाही.

दरम्यान, मध्यंतरी बीसीसीआय सप्टेंबर-ऑक्टोबर महिन्या काळात आयपीएल स्पर्धा आयोजित करण्याच्या प्रयत्नात असल्याच्या बातम्या समोर आल्या होत्या. मात्र यासाठी आशिया चषक ही स्पर्धा पुढे ढकलण्यासाठी बीसीसीआयला मोठे प्रयत्न करावे लागणार आहेत.

हेही वाचा -Video : सचिन आउट आहे की नाही, तुम्हीच सांगा; वॉर्नचा सवाल

हेही वाचा -हाफिज आणि मलिक यांनी 'इज्जती'ने क्रिकेट सोडावं - पाक माजी कर्णधार