कोलकाता - 2020 मध्ये होणाऱ्या आयपीएलच्या तेराव्या हंगामासाठी सध्या खेळाडूंचे लिलाव सुरू आहेत. आत्तापर्यंत लिलावात परदेशी खेळाडूंना कोट्यवधी रुपयांची किंमत मिळाली आहे. ऑस्ट्रेलियाचा धडाकेबाज खेळाडू ग्लेन मॅक्सवेल याला किंग्स इलेवन पंजाबने 10 कोटी 75 लाख इतकी घसघशीत रक्कम मोजून खरेदी केले आहे. मॅक्सवेल आयपीएलच्या तेराव्या हंगामातील सर्वात महागडा अष्टपैलू खेळाडू ठरला आहे.
अष्टपैलू ग्लेन मॅक्सवेलला खरेदी करण्यासाठी किंग्स इलेवन पंजाब आणि दिल्ली कॅपीटल्सच्या संघ मालकांमध्ये जोरदार चढाओढ लागली होती. शेवटी किंग्स इलेवन पंजाबने मॅक्सवेलला आपल्या चमूमध्ये घेतले. विशेष म्हणजे मॅक्सवेलची बेस प्राईस फक्त दोन कोटी रुपये इतकी होती. म्हणजे तो त्याला चारपट जास्त रक्कम देऊन खरेदी करण्यात आले आहे.