गौतम गंभीर म्हणतो...संजू सॅमसन चंद्रावरही फलंदाजी करु शकतो

भारताचा माजी सलामीवीर गौतम गंभीर हा हरभजन यांच्या मतावर म्हणतो, 'संजू आता चंद्रावरही फलंदाजी करु शकतो.'

नवी दिल्ली - भारत विरुध्द दक्षिण आफ्रिका अ या संघामध्ये ५ एकदिवसीय सामन्याची अनौपचारिक मालिका नुकतीच पार पडली. या स्पर्धेच्या अखेरच्या सामन्यात भारतीय संघाचा युवा यष्टीरक्षक संजू सॅमसनने ४८ चेंडूत ९१ धावांची दणकेबाज खेळी केली. या खेळीनंतर, भारतीय फिरकीपटू हरभजन सिंगने सॅमसनचे कौतुक करत, भारतीय संघात चौथ्या क्रमांकावर संजू योग्य पर्याय असल्याचे म्हटले आहे. हरभजनच्या या मतावर गौतम गंभीरनेही आपले मत व्यक्त केले आहे.

भारताचा माजी सलामीवीर गौतम गंभीर हा हरभजन यांच्या मतावर म्हणतो, 'संजू आता चंद्रावरही फलंदाजी करु शकतो.'

भारताने नुकतीच पार पडलेल्या अनौपचारिक मालिकेत, दक्षिण आफ्रिका संघाचा ४-१ पराभव केला. या मालिकेतील अखेरच्या सामन्यात संजू सॅमसनने ६ चौकार आणि ७ उत्तुंग षटकारांच्या मदतीने ९१ धावांची धडाकेबाज खेळी केली. सॅमसनने या खेळीनंतर सर्वांना आपली दखल घेण्यास भाग पाडले आहे.

दरम्यान, भारत विरुध्द दक्षिण आफ्रिका संघामध्ये १५ सप्टेंबरपासून सामने सुरू होणार आहेत. या दौऱ्यात दोन्ही संघ ३ टी-२० आणि ३ कसोटी सामने खेळणार आहे. मात्र, या दौऱ्यातील टी-२० मालिकेसाठी संजू सॅमसनला संघात स्थान देण्यात आलेले नाही.