सचिन तेंडुलकरने वाहिली बापू नाडकर्णींना श्रद्धाजंली

सचिनने, बापू तुमच्या २१ निर्धाव षटकांची गोष्ट ऐकून मी मोठा झालो आहे. या आशयाचे ट्विट केलं आहे. माझ्या सद्भभावना नाडकर्णी कुटुंबासोबत आहेत. बापू नाडकर्णी यांना आदरांजली. असंही सचिन तेंडुलकरने ट्विटमध्ये म्हटले आहे.

हैदराबाद - भारताचे माजी कसोटीपटू बापू नाडकर्णी यांचे वृद्धापकाळाने निधन झाले. बापू यांच्या निधनानंतर मास्टर ब्लास्टर सचिन तेंडुलकरने ट्विट करुन श्रद्धांजली वाहिली आहे.

सचिनने, बापू तुमच्या २१ निर्धाव षटकांची गोष्ट ऐकून मी मोठा झालो आहे, या आशयाचे ट्विट केलं आहे. माझ्या सद्भभावना नाडकर्णी कुटुंबासोबत आहेत. बापू नाडकर्णी यांना आदरांजली. असंही सचिन तेंडुलकरने ट्विटमध्ये म्हटले आहे.

माजी क्रिकेटपटू बापू नाडकर्णी यांचे मुंबईत राहत्या घरी वृद्धापकाळाने निधन झालं. ते मृत्यूसमयी ८६ वर्षांचे होते. पत्नी व दोन मुली असा त्यांचा परिवार आहे. बापू यांनी खास गोलंदाजीच्या शैलीमुळे क्रिकेटविश्वात आपली वेगळी ओळख निर्माण झाली होती.

नाशिक जिल्ह्यात ४ एप्रिल १९३३ मध्ये बापू यांचा जन्म झाला. रमेश गंगाराम नाडकर्णी असे त्यांचे पूर्ण नाव असून क्रिकेटविश्वात त्यांना बापू नाडकर्णी या नावाने ओळखले जायचे.

प्रथम श्रेणी आणि कसोटी सामन्यातील बापूंची गोलंदाजीची आकडेवारी पाहिल्यावर, ते सगळ्यात कमी धावा देणारे गोलंदाज होते. हे दिसून येते. १९६४ साली १२ जानेवारीला खेळवण्यात आलेल्या कसोटीत एका डावात त्यांनी सलग २१ षटकं निर्धाव टाकण्याचा विक्रम केला होता.

हेही वाचा -भारताचे माजी कसोटीपटू बापू नाडकर्णी यांचे निधन

हेही वाचा -भारताने काढला पराभवाचा वचपा; मालिकेत १-१ ने बरोबरी