दुबई - इंग्लंडने तीन सामन्यांच्या कसोटी मालिकेत वेस्ट इंडीजचा 2-1 असा पराभव केला. या विजयामुळे इंग्लंडचा संघ आयसीसी वर्ल्ड टेस्ट चॅम्पियनशिपमध्ये तिसर्‍या क्रमांकावर पोहोचला आहे. ओल्ड ट्रॅफर्ड रंगलेल्या तिसऱ्या आणि निर्णायक कसोटीत इंग्लंडने वेस्ट इंडिजला 269 धावांनी पराभूत केले.
आयसीसी वर्ल्ड टेस्ट चॅम्पियनशिपमध्ये इंग्लंड आता 226 गुणासंह तिसऱ्या क्रमांकावर आहे. पहिल्या क्रमांकावर भारत (360 गुण) असून दुसऱ्या क्रमांकावर ऑस्ट्रेलियाचा संघ (296 गुण) आहे. तर मालिका गमावलेला विंडीजचा संघ सातव्या स्थानी आहे. या मालिकेपूर्वी इंग्लंड 146 गुणांसह चौथ्या स्थानावर होता.