लाहोर -अयोध्येत पार पडलेल्या राम मंदिराच्या भूमिपूजनाबद्दल पाकिस्तानचा माजी फिरकीपटू दानिश कनेरियाने आनंद व्यक्त केला आहे. हा एक आनंदाचा क्षण असून जगभरात आनंदाची लाट असल्याचे कनेरियाने सांगितले. अयोध्येमध्ये बुधवारी पंतप्रधान नरेंद्र मोदी यांनी भव्य समारोहात राम मंदिराच्या बांधकामाचे भूमिपूजन केले.
कनेरिया ट्विटरवर म्हणाला, "भगवान रामाची सुंदरता त्याच्या चरित्रात आहे, त्याच्या नावावर नाही. ते असत्यावर सत्याच्या विजयाचे प्रतीक आहेत. आज जगभरात आनंदाची लाट आहे. हा आनंदाचा क्षण आहे." उत्तर प्रदेशचे मुख्यमंत्री योगी आदित्यनाथ आणि राष्ट्रीय स्वयंसेवक संघाचे (आरएसएस) सरसंघचालक मोहन भागवत हेही या भूमिपूजनास उपस्थित होते.