दिग्गज गोलंदाजाच्या घरी तीन वेळा चोरीचा प्रयत्न!

ट्विटरवर स्टेन म्हणाला, "शुक्रवारपासून माझ्या घरात तीनवेळा चोरीचा प्रयत्न करण्यात आला. काल त्यांनी माझ्या मित्राची कार नष्ट केली आणि आज रात्री त्यांनी माझ्या आईला खूप घाबरवले. ती घरात एकटी होती.''

केपटाऊन -दक्षिण आफ्रिकेचा दिग्गज वेगवान गोलंदाज डेल स्टेनच्या घरात तीन वेळा चोरीचा प्रयत्न करण्यात आला आहे. स्टेनने ट्विटरवरून ही माहिती दिली. तिसऱ्या प्रयत्नात आई घाबरली असल्याचे स्टेनने सांगितले.

ट्विटरवर स्टेन म्हणाला, "शुक्रवारपासून माझ्या घरात तीनवेळा चोरीचा प्रयत्न करण्यात आला. काल त्यांनी माझ्या मित्राची कार नष्ट केली आणि आज रात्री त्यांनी माझ्या आईला खूप घाबरवले. ती घरात एकटी होती.''

तो पुढे म्हणाला, "निश्चितपणे कोरोना लोकांना नैराश्याकडे आणत आहे. तुम्ही लोक सुरक्षित राहा." स्टेन हा दक्षिण आफ्रिकेचा अनुभवी गोलंदाज मानला जातो. मार्च 2019 पासून त्याने दक्षिण आफ्रिकेसाठी एकही सामना खेळलेला नाही.

दक्षिण आफ्रिकेसाठी स्टेनने आतापर्यंत 93 कसोटी, 125 एकदिवसीय आणि 47 टी-20 सामने खेळले आहेत. त्यामध्ये अनुक्रमे त्याने 439,196 आणि 64 बळी घेतले आहेत.