चेन्नई - आयपीएलच्या बाराव्या मोसमात चेन्नई सुपर किंग्जचे खेळाडू आपल्या कामगिरीवर खूप आनंदी असून मैदानावर मस्ती करताना दिसत आहेत. त्याचाच एक भाग म्हणुन, सीएसकेच्या अधिकृत ट्विटर हँडलवर एक मजेशीर व्हिडिओ शेअर करण्यात आला आहे. या व्हिडिओमध्ये चेन्नईचा अष्टपैलू खेळाडू रविंद्र जडेजा एका नव्या लुकमध्ये दिसत असून त्याने आपल्या दाढीचा रंग ब्राउन ठेवला आहे.
VIDEO: सर जडेजाच्या दाढीचा रंग पाहून सीएसकेच्या संघात 'हास्यकल्लोळ'
सीएसकेने शेअर केलेल्या व्हिडिओत धोनी जाडेजाशी त्याच्या ब्राउन रंगाच्या दाढीविषयी बोलताना दिसत आहे
जडेजाच्या दाढीचा रंग पाहून सीएसकेच्या संघात 'हास्यकल्लोळ'
चेन्नई सुपर किंग्जच्या या नवीन व्हिडिओत सर जडेजा सर्वांच्या आकर्षणाचे केंद्र राहिला होता. गेल्या काही वर्षांपासून रविंद्र जडेजा चेन्नईच्या संघाचा महत्त्वाचा भाग राहिला आहे. यामुळे, त्यांचे नवीन 'ब्राउन'रूप पाहून संघातील सर्वच सहकारी त्याच्याशी मस्ती करताना दिसले.
शेअर केलेल्या व्हिडिओत सीएसकेचा कर्णधार महेंद्रसिंह धोनी जाडेजाशी त्याच्या ब्राउन रंगाच्या दाढीविषयी बोलताना दिसत आहे. तसेच सुरेश रैना, मोहित शर्मा आणि शार्दुल ठाकूरही जडेजाचे हे नवे रुप पाहून त्याची मस्ती करताना दिसत आहेत. जडेजाचा हा नवीन लुक सोशल मीडियावर जोरदार व्हायरल होत आहे.