कोरोना 'ब्रेक'नंतर सुरू होणार पहिली टी-20 लीग

"सर्व संघ आणि अधिकाऱ्यांना हॉटेलमध्ये ठेवण्यात येईल. देशात येण्याच्या पहिल्या दोन आठवड्यांपर्यंत सर्वांना कठोर क्वारंटाईन-प्रोटोकॉल पाळावा लागेल. परदेशातून त्रिनिदादमध्ये येणाऱ्या सर्वांची कोरोना चाचणी करण्यात येईल'', असे सीपीएलने सांगितले. ही लीग रिकाम्या स्टेडियममध्ये खेळवण्यात येईल.

नवी दिल्ली - कॅरेबियन प्रीमियर लीगचा यंदाचा हंगाम त्रिनिदाद आणि टोबॅगो येथे 20 सप्टेंबर ते 18 ऑगस्ट दरम्यान खेळवला जाणार आहे. शुक्रवारी हा निर्णय घेण्यात आला. कोरोना 'ब्रेक'नंतर सुरू होणारी ही पहिली टी-20 लीग असेल.

"सर्व संघ आणि अधिकाऱ्यांना हॉटेलमध्ये ठेवण्यात येईल. देशात येण्याच्या पहिल्या दोन आठवड्यांपर्यंत सर्वांना क्वारंटाईन-प्रोटोकॉल पाळावा लागेल. परदेशातून त्रिनिदादमध्ये येणाऱ्या सर्वांची कोरोना चाचणी करण्यात येईल'', असे सीपीएलने सांगितले. ही लीग रिकाम्या स्टेडियममध्ये खेळवण्यात येईल.

कोरोनामुळे आंतररष्ट्रीय सीमा बंद झाल्यानंतर प्रथमच खेळाडूंना दुसऱ्या देशातून येथे येण्याची परवानगी मिळणार आहे. त्रिनिदादमध्ये आतापर्यंत 117 जण पूर्णपणे बरे झालेले रुग्ण आहेत. तर 133 कोरोना रुग्णांची पुष्टी झाली आहे.

राशिद खान, मार्कस स्टोईनिस, रॉस टेलर आणि कार्लोस ब्रेथवेट यांसारख्या स्टार खेळाडूंना 2020 सीपीएल हंगामासाठी विविध फ्रेंचायझींनी आपल्या संघात सामील करून घेतले आहे. आयपीएलमधील स्टार फिरकीपटू प्रवीण तांबेसुद्धा या लीगमध्ये सहभागी होणार आहे.