अहमदाबाद - भारतीय कसोटी संघाचा अनुभवी खेळाडू चेतेश्वर पुजाराची मुलगी आदिती हिचा वाढदिवस, भारतीय खेळाडू आणि त्यांच्या परिवाराच्या उपस्थितीत साजरा करण्यात आला. यावेळी रोहित शर्मा, अजिंक्य रहाणे आणि हार्दिक पांड्या यांची मुलं देखील आदितीला शुभेच्छा देण्यासाठी जमले होते. रोहितची मुलगी समायरा हिने खास अंदाजात आदितीला वाढदिवसाच्या शुभेच्छा दिल्या. हा व्हिडिओ चाहत्यांच्या पसंतीस उतरत आहे.
मुंबई इंडियन्स संघाने आदितीच्या बर्थडे पार्टीचा व्हिडिओ शेअर केला आहे. यात समायरा हातात माइक घेत आदितीला वाढदिवसाच्या शुभेच्छा देताना पाहायला मिळत आहे. इंग्लंडविरुद्धच्या मालिकेत भारतीय संघातील खेळाडूंना आपल्या परिवाराला सोबत ठेवण्याची परवानगी आहे. यामुळे खेळाडू आपल्या परिवारासह अहमदाबादमध्ये आहेत.