अमरावती - राष्ट्रीय अपंग कल्याण संस्थेच्या वतीने अमरावतीच्या चिखलदरा येथे राज्यस्तरीय अंध विद्यार्थी क्रिकेट स्पर्धेचे आयोजन करण्यात आले होते. या स्पर्धेत राज्यभरातील ९ संघानी सहभाग नोंदवला होता. अंतिम सामन्यात नांदेडच्या लोहा संघाने बाजी मारली.
अमरावती : राज्यस्तरीय अंध क्रिकेट स्पर्धेत नांदेडच्या संघाची बाजी
अंध विद्यार्थ्यांच्या सुप्त कला-गुणांना वाव मिळावा, यासाठी राष्ट्रीय अपंग कल्याण संस्थेकडून अशा विविध स्पर्धांचे आयोजन करण्यात येत आहे. आतापर्यंत २ अंध खेळाडू या संस्थेच्या माध्यमातून महाराष्ट्राला मिळाले आहेत. ही संस्था खेळाडूंना लागणार्‍या मूलभूत सुविधा पुरविण्याचे काम सातत्यानं करत आहे.