शारजाह -रॉयल चॅलेंजर्स बंगळुरूचा लेगस्पिनर युजवेंद्र चहलने कोलकाता नाईट रायडर्सविरूद्धच्या सामन्यात शानदार गोलंदाजी केली. या कामगिरीसाठी चहलला सामनावीर पुरस्कार मिळायला हवा होता, असे मत राजस्थान रॉयल्सचा अष्टपैलू खेळाडू बेन स्टोक्सने दिले आहे.
आयपीएलमध्ये सोमवारी शारजाह येथे झालेल्या सामन्यात बंगळुरूच्या संघाने कोलकाताचा ८२ धावांनी पराभव केला. चहलने केकेआरचा कर्णधार दिनेश कार्तिकची विकेट घेत चार षटकांत अवघ्या १२ धावा दिल्या. सामन्यानंतर स्टोक्सने ट्विट केले की, फलंदाजांच्या या सामन्यात युझवेंद्र चहलला सामनावीर म्हणून निवडले गेले पाहिजे होते. विशेषत: हा सामना शारजाहमध्ये असताना आक्रमक गोलंदाजीसाठी हा पुरस्कार चहला मिळायला हवा होता.