सिडनी - ऑस्ट्रेलियात सुरू असलेल्या बिग बॅश लीग स्पर्धेच्या अंतिम सामना पाहण्यासाठी प्रेक्षकांना परवानगी देण्यात आली आहे. पण मैदानाच्या ७५ टक्के प्रेक्षकांना उपस्थितीची परवानगी असेल. बिग बॅश लीगच्या आयोजकांनी याची घोषणा मंगळवारी केली.
बिग बॅश लीगचा अंतिम सामना एससीजी मैदानावर होणार आहे. या मैदानाच्या प्रेक्षक क्षमतेनुसार, ७५ टक्के म्हणजे, २८ हजार ५०० प्रेक्षकांना मैदानावर सामना पाहता येणार आहे. सिडनी सिक्सर्सने स्पर्धेच्या अंतिम फेरीत धडक मारली आहे. तर दुसरा फायनलिस्ट गुरूवारी निश्चीत होईल. पर्थ स्कॉर्चर्स आणि ब्रिस्बेन हीट यांच्यातील विजेता संघ अंतिम फेरीसाठी पात्र ठरेल.