पर्थ - ऑस्ट्रेलियाचा स्टार क्रिकेटपटू स्टिव्ह स्मिथ शानदार फलंदाजी तर करतोच, त्यासोबत तो उत्कृष्ट क्षेत्ररक्षणही आहे. त्याने पर्थ येथे रंगलेल्या न्यूझीलंडविरुद्धच्या कसोटी सामन्यात अप्रतिम झेल टिपत क्षेत्ररक्षणाचा उत्कृष्ट नजराणा पेश केला.
ऑस्ट्रेलियाचा पहिला डाव, दुसऱ्या दिवशी मार्नस लॅब्युशेनच्या १४३ धावांच्या खेळीच्या जोरावर ४१६ धावांवर आटोपला. प्रत्युत्तरादाखल न्यूझीलंडची पहिल्या डावात सुरुवात खराब झाली. किवीचे ५ फलंदाज अवघ्या १०० धावात माघारी परतले. ऑस्ट्रेलियाच्या गोलंदाजीसमोर किवीच्या फलंदाजांनी गुडघे टेकले. पहिल्या डावात स्टिव्ह स्मिथने शानदार क्षेत्ररक्षण करताना एक अप्रतिम झेल घेतला. स्मिथने घेतलेल्या या झेलची चर्चा सध्या सोशल मीडियावर रंगली आहे.