पर्थ- क्रिकेट हा प्रत्येकी ११ खेळाडूंच्या दोन संघांदरम्यान खेळला जाणारा मैदानी खेळ आहे. मात्र, सध्या एक असा सामना सुरू आहे ज्यात एक नव्हे तर दोनही संघ प्रत्येकी १० खेळाडूंसह सामना खेळत आहेत.
ऑस्ट्रेलिया आणि न्यूझीलंड संघात पर्थ येथे पहिला कसोटी सामना सुरू आहे. सामन्याचा तिसऱ्या दिवसाचा खेळ सुरू असून या कसोटीवर पहिल्या दिवसापासून यजमान संघाने मजबूत पकड निर्माण केली आहे. दरम्यान, प्रत्येकी ११ खेळाडूंसह खेळला जाणारा क्रिकेटचा सामना दोन्ही संघ १०-१० खेळाडूंसह खेळत आहेत.
सामन्यादरम्यान दोन्ही संघांचे प्रत्येकी एक खेळाडू जखमी झाल्यामुळे दोनही संघ प्रत्येकी १० खेळाडूंसह कसोटी खेळत आहेत. ऑस्ट्रेलियाचा अनुभवी गोलंदाज जॉश हेझलवूड आणि न्यूझीलंडचा लॉकी फर्ग्युसन हे दोन्ही खेळाडू बाहेर गेले आहेत.