मुंबई - भारतीय संघाचा कर्णधार विराट कोहली आयपीएलमध्ये सर्वाधिक पैसे कमावणारा खेळाडू आहे. तसेच त्याला बीसीसीआयच्या करारामधून दरवर्षी कोट्यवधी रुपये मिळतात. याशिवाय तो जाहिरातीतून प्रचंड कमाई करतो. असे असताना देखील विराट कोहलीच्या घरात कामासाठी एकही नोकर नाही. होय, हे खरं आहे. याची माहिती भारतीय संघाचे माजी निवडकर्ते सरनदीप सिंह यांनी दिली.
एका मुलाखतीदरम्यान सरनदीप सिंह यांनी सांगितले की, 'विराट पत्नी अनुष्कासह मुंबईत राहतो. त्यांच्या घरी एकही नोकर नाही. जेव्हा विराटच्या घरी पाहुणे येतात. तेव्हा विराट आणि त्याची पत्नी अनुष्का हे दोघे सर्व कामे करतात. तसेच ते पाहुण्यांना जेवण वाढतात.'
विराट आपल्या संघातील खेळाडूंचा नेहमी आदर करतो. तो एका चांगला माणूस आहे, असे देखील सिंह यांनी सांगितलं.