नवी दिल्ली - श्रीलंकेविरुध्दच्या टी-२० मालिकेत पाकिस्तानचा दारुण पराभव झाला. लंकेच्या मुख्य खेळाडूविना गेलेल्या संघाने जागतिक क्रमवारीत अव्वलस्थानी असलेल्या पाकिस्तान संघाचा तीन सामन्यांच्या मालिकेत ३-० ने सुपडासाफ केला. यानंतर संतप्त झालेल्या एका चाहत्याने, सरफराजच्या पोस्टरला लाथाबुक्यांनी प्रसाद दिला. याचा एक व्हिडिओ सद्या सोशल मीडियावर व्हायरल होत आहे.
श्रीलंकेविरुध्दच्या पराभवानंतर पाक कर्णधार सरफराजची कर्णधारपदावरुन हाकलपट्टी करण्यात यावी, अशी मागणी होत आहे. चाहत्यांनी तर आक्रमक रुप धारण केल्याचे, दिसून आले. संतप्त चाहत्याने, सरफराजच्या पोस्टरला पहिल्या बुक्यांनी मारा केला तर नंतर त्याने पायानेही मारायला सुरूवात केली.